Helde van Suid-Afrika – Boek 3
Hierdie lekkerlees-bundel stel jou voor aan nog 6 van die dapperste helde van Suid-Afrika! Van emeritus-aartsbiskop Desmond Tutu wat ons reënboognasie inspireer, die helde van die Laingsburgvloed tot Enoch Sontonga, wie se hartslied vandag nog in ons land se volkslied voortleef.
Stap ook saam met die slavin Emilie Lehn op haar lang pad na vryheid. Ontdek hoe ‘n 11-jarige kaalvoetseun 100 jaar gelede van Bloemfontein tot in die Kaap dwarsdeur ‘n oorlog gestap het op soek na sy pa – en hom gevind het.
‘n Boer maak mos ‘n plan!
En ontdek die kleinste brakkie met die grootste hart wat deur die Dierebeskermingsvereniging vir dapperheid vereer is.
Illustrasies deur Alex van Houwelingen
Lapa Uitgewers, 2018
