Gisteroggend moes ek vroeg uit die vere om saam met Heléne de Clercq van NB Uitgewers Paarl toe te ry vir ‘n boekkuiertjie met Vanwyksvlei en Paarl Biblioteek en ‘n see van gesiggies wat kom “storie luister” het.
Kogelbaai vóór sonopkoms met gladde blou water teen ‘n blou berg onder ‘n bloue hemel was die eerste geskenk van ‘n lieflike dag. Ek wens daar was ‘n manier om die geur van die fynbos aan te gee.
Psalms vir Kleingoed
Rus jou kind met Psalms vir Kleingoed toe om al hul emosies teenoor God te kan uitstort.
Geliefde kinderboekskrywer Wendy Maartens het die mees gepaste psalms spesiaal vir kinders uitgesoek en gee hulle hier in kinders se eie taal weer.
Elke psalm of gedeelte van ‘n psalm is pragtig geïllustreer deur Zinelda McDonald.
Psalms vir kinders is ‘n aanwins op enige kind se boekrak en sal ‘n lewenslange liefde vir God se woord by jou kind kweek.
Illustreerder: Zinelda McDonald
Lux Verbi, 2023