Wendy het boeke, stories en feite nodig soos sy asem, stilte en baie stap seelangs nodig het.

Die dag in graad twee toe Wendy se bruin karton skooltas in een van Worcester se leivore oopgaan, het sy besef dat haar hele menswees om boeke draai.

Wendy en Lapa se streeksverteenwoordiger, Kathie Viljoen, kuier heerlik op ‘n skoletoer in die Oos-Kaap. Wendy help kinders ontdek dat elke mens ‘n storie het. Net soos elke familie, straat, dorp en land. Hoe meer jy lees en hoe meer jy luister, hoe meer stories het jy om te vertel. Begin sommer by oupa en ouma. Hulle is ‘n skatkis van stories.